«Дикий Арман» есімімен танымал Жұмагелдиев 20 жылға сотталды

Алматыда Арман Жұмагелдиевке қатысты сот үкімі шықты. Ол 20 жылға сотталды, деп хабарлайды Elordainfo.kz.

Іс Алматы қаласының мамандандырылған ауданаралық әкімшілік сотында қаралды. 

Қаңтар оқиғасы кезінде 24 адамды ұрлап кетті деп айып тағылған ол 20 жылға сотталды. 

Былтыр 21 қыркүйекте Арман Жұмагелдиев пен Қайрат Құдайберген және басқа да тұлғаларға қатысты қылмыстық іс бойынша алдын ала тыңдау аяқталған. 

Еске салсақ, криминалды авторитет Арман Жұмагелдиев 2022 жылы 7 қаңтарда ұсталған болатын. Іс бойынша айыпталушылар қатарында Алматы қаласы мәслихатының бұрынғы депутаты Қайрат Құдайберген, Ұлттық қауіпсіздік комитетінің полковнигі Руслан Ысқақов және тағы басқа тұлғалар бар. Барлығы 42 адам айыпталып жатыр.