Елордалық құтқарушылар су қоймаларын тексерді

ашық дереккөз

Рейд барысында демалушылармен судағы ережелерді сақтау, су қоймалары жанында спирттік ішімдіктер ішуге тыйым салынатыны туралы алдын алу жұмыстары жүреді. Бұған қоса, құтқарушылар Нұр-Сұлтан тұрғындары мен қонақтарына заң бұзушылықтардың салдары туралы түсіндіреді. «Суға түсу үшін су нысандарына келген демалушы азаматтарға рұқсат етілмеген жерлерде суға түсуге тыйым салынғаны, спирттік ішімдіктер ішуге болмайтыны жайлы түсіндіру жұмыстары жүргізілді. 2020 және 2021 жылдары су нысандарында болған қайғылы оқиғалардың саны мен себептері туралы ақпарат берілді. Сонымен қатар судағы қауіпсіздік туралы кеңестер жазылған арнайы парақтар таратылды», - деді астаналық ТЖД қызметкері Азамат Құсайынов.