Еріктілер екпе алды

Қалалық жастар орталығының жанынан құрылған штаб мүшелері үнемі халықтың арасында жүріп, әлеуметтік еріктілік қызмет көрсетеді. «Біздің штабтың 2000-ға жуық мүшесі бар. Бүгінде олардың жартысынан көбі екпе алды. Осы әрекетімізбен біз жастарды өзінің және өзгенің саулығына жауапкершілікпен қарауға шақырамыз. Сондай-ақ көпшілікті екпе алуға үндеу мақсатында әлеуметтік желіде түрлі бейнероликтер, посттар жариялап тұрамыз. Біздің штаб мүшелері пандемия кезінде әлеуметтік жағдайы төмен отбасыларға азық-түлік себеттерін таратумен айналысты. Қазір де елордалық еріктілер мұқтаж жандарға көмек қолын созуға дайын», – дейді штаб мүшесі Бахтияр Есентаев. Abu Dhabi Plaza сауда ойын-сауық орталығындағы вакциналау пункті 22 сәуірден бері қызмет көрсетеді. Мұнда екпе алғандар арасында түрлі байқаулар да тұрақты ұйымдастырылып тұрады.