«Зорлық-зомбылыққа қарсы 16 күн»: елордада қалалық семинар өтті

Астана қаласы Білім басқармасынан

«Зорлық-зомбылыққа қарсы 16 күн» акциясы аясында Астана қаласы Әйелдер және отбасы істері жөніндегі комиссиясының және қалалық Білім басқармасының қолдауымен Балаларды қолдау орталығының базасында «Идеядан – әрекетке» атты қалалық семинар өтті, деп хабарлады Elordainfo.kz.

Іс-шараға Астана, Ақмола, Павлодар және Теміртау қаласының кәмелетке толмағандарды бейімдеу орталығының директорлары мен орынбасарлары, әдіскерлері және тәрбиешілері қатысты.

Семинар барысында тәрбиешілер тәлімгер, ал балалар белсенді қатысушы болған тақырыптық шеберлік сағаттарына қатысты.

Іс-шара соңында эмоционалдық тренинг-рефлексия өтті.

Барлық қатысушыларға сертификаттар мен балалар жасаған гипс бұйымдары түріндегі естелік сыйлықтар табысталды.