Қазақстандағы аграрлық университет алғаш рет QS халықаралық рейтингіне енді

С.Сейфуллин атындағы Қазақ агротехникалық зерттеу университеті алғаш рет QS World University Rankings by Subject 2026 халықаралық пәндік рейтингіне енді, деп хабарлайды Elordainfo.kz.

Университет «Agriculture & Forestry» («Ауыл және орман шаруашылығы») бағыты бойынша 351–400 аралығындағы орынға ие болды.

Бұл жетістік университеттің білім беру және ғылыми қызметінің сапасын, сондай-ақ халықаралық академиялық кеңістіктегі ұстанымының нығайып келе жатқанын көрсетеді.

Еске салайық, бұған дейін қазақстандық жоғары оқу орны түркі әлемінің үздік бес университетінің қатарына енгені туралы жаздық.