Шекарашылар цистернаға жасырылған 60 млн теңгенің контрабандалық темекісін тәркіледі

Фото: ҰҚК Шекара қызметі

Қазақ-қырғыз шекарасында 150 мың қорап заңсыз темекі алып өтпек болғандар ұсталды, деп хабарлайды Elordainfo.kz Ұлттық қауіпсіздік комитетінің Шекара қызметіне сілтеме жасап.

Баспасөз қызметінің мәліметінше, 19 ақпанда «Сыпатай батыр» автокөлік өткізу пунктінде Шекара қызметі ел аумағына 150 мың қорап акцизсіз темекі әкелу әрекетінің жолын кесті.

«Ұсталған тауардың 60 млн теңге. Темекі бұйымдары автокөлік цистернасының жасырын орнында жасырылған. Жүк ілеспе құжатсыз жүрген», делінген хабарламада.

Шекара қызметі осы фактіге қатысты материалдарды процестік шешім қабылдау үшін тергеу бағыты бойынша құзыретті органға тапсырды.

Еске сала кетсек, Алматыда 1 млрд теңгенің вейпін саудалағандардың ісі сотқа жөнелтілді.