Қостанай облысы Наурызым ауданының прокуратурасы «Наурызым аудандық ауруханасы» коммуналдық мемлекеттік кәсіпорны қызметкерлерінің еңбек құқықтарының сақталуына талдау жүргізді, деп хабарлады Elordainfo.kz.
Салалық келісім талаптарын сақтамау, атап айтқанда, еңбек демалысын толық көлемде ұсынбау арқылы медициналық қызметкерлердің конституциялық құқықтарын бұзу фактілері анықталды. Талдау нәтижесі бойынша аталған бұзушылықтар жойылды. 54 қызметкерге 2,3 млн теңге сомасына өтемақы төлемдері өтелді», - деп жазылған Қостанай облысының прокуратурасы таратқан хабарламада.
