Қаржы нарығын реттеу және дамыту Агенттігінің Төрайымы Мәдина Әбілқасымова кей қазақстандықтар бес-алты жыл сайын несиелері кешіріледі деп күтеді де, төлемін тоқтатады, деп мәлімдеді, деп хабарлайды Elordainfo.kz.

Кей адамдар бес-алты жыл сайын несиелері кешіріледі деп күтеді де, төлемін тоқтатады. Бұл мемлекет бюджетіне қосымша салмақ түсіреді. Сол себепті біз енді қарызды кешіру емес, қаржылық сауаттылық пен алдын алу шараларын күшейтуге басымдық береміз, - деді агенттік басшысы.

Ол сондай-ақ қазақстандықтардың несиені не үшін алатынына тоқталды. 

Несиенің басым бөлігі ұзақмерзімді тауарлар мен тұрмыстық қажеттіліктерге жұмсалады. Азаматтардың шамамен 10 пайызы азық-түлікке, 20 пайызы тұрмыстық техника мен ұзақмерзімді тауарларға, тағы 10 пайызы жөндеу, білім алу және емделуге несие алады, - деді ол.