Абу-Дабиде (БАӘ) өтіп жатқан Grand Slam турнирінің ширек финалында дзюдодан Қазақстан командасының көшбасшысы Әбиба Әбужақынова жеңіліс тапты, деп хабарлады Elordainfo.kz olympic.kz сайтына сілтеме жасап.
Айта кетелік, Әбиба Әбужақынова өнер көрсететін 48 келіге дейінгі салмақта барлығы тоғыз спортшы белдеседі. Қазақстандық спортшы турнирді бірден ширек финалдан бастады.
Бұл кезеңде ол ресейлік Марина Воробьеваға қарсы тұрды.
Жекпе-жек қарсыластың мерзімінен бұрынғы жеңісімен аяқталды.
Әбужақынова енді жұбаныш айналымында шаршы алаңға шығады.
