Қазақстандық параспортшылар боччадан 4 медаль жеңіп алды

Фото: Дене мүмкіндіктері шектеулі тұлғаларға арналған спорттық даярлау орталығынан

Бахрейнде өткен боччадан «World Boccia Challenger Manama 2024» турнирінде қазақстандық параспортшылар 2 күміс және 2 қола медаль еншіледі, деп хабарлады Elordainfo.kz.

Жарыста жекелей сында өнер көрсеткен Алмат Ерхат ВС1 классында 2-орын алса, Итиана Шыңғысханова ВС2 классында 3-орынға ие болды.

Командалық бәсекеде ВС1/2 класстары бойынша сынға түскен Итиана Шыңғысханова, Қуаныш Асқарбеков және Александр Құрмантаев 2-орын алса, жұптық бәсекеде BC4 классында Эльмира Мүсірәлиева мен Руслан Ерембаев 3-орынды еншіледі.

Айта кетсек, халықаралық турнир Манама қаласында өтті. Додаға 14 мемлекеттен 69 спортшы қатысты. Жарыста Қазақстан құрамасы сапында 10 спортшы өнер көрсетті.