Іздеу Астанада автономды басқарылатын электромобиль таныстырылды
Гүлден Мәдениет
Елімізде пилотсыз көлікті енгізу жөніндегі жол картасын орындау аясында Астана қаласында мамандандырылған халыққа қызмет көрсету орталығының (арнайы ХҚКО) аумағында дербес басқарылатын электромобиль көрсетілді. Бұл туралы ғылым және жоғары білім министрі Саясат Нұрбек парақшасында бөлісті, деп хабарлайды Elordainfo.kz.
Іс-шараға Қазақстан Республикасының Көлік министрлігі, Қазақстан Республикасының жасанды интеллект және цифрлық даму министрлігі, Қазақстан Республикасының Ішкі істер министрлігі, Шығыс Қазақстан облысының цифрландыру және архивтер басқармасы, Астана, Алматы, Алатау және Шығыс Қазақстан облысының әкімдіктері, сондай-ақ Ұлттық геодезия және кеңістіктік ақпарат орталығы және Д.Серікбаев атындағы Шығыс Қазақстан техникалық университеті қатысты.
Демонстрация барысында автономды басқару жүйесінің, навигациялық шешімдердің және жол инфрақұрылымы элементтерін тану технологияларының жұмыс істеуі көрсетілді.Жасанды интеллект технологияларын қолдану арқылы жүзеге асырылатын төтенше тежеу жүйесіне ерекше назар аударылды: автомобиль кедергілерді, соның ішінде адамдарды тануға және оларға қауіпсіз жауап беруге қабілетті.
Жоба автономды көлік технологияларын еліміздің көлік жүйесіне кезең-кезеңімен енгізуге бағытталған.
Жасанды интеллектке негізделген төтенше тежеу жүйесіне ерекше назар аударылды. Бұл жүйе автомобильге жолдағы кедергілерді, оның ішінде адамдарды анықтап, қауіп төнген жағдайда автоматты түрде қауіпсіз әрекет етуге мүмкіндік береді. Жобаның негізгі мақсаты - автономды көлік технологияларын еліміздің көлік жүйесіне біртіндеп енгізу.
