Қарағандыда полицияның тірек пункттерінің бірінен әйел адамның өлі денесі табылды

Фото: Оңалхан Өнерхан

Полицияның тірек пункттерінің бірінен азаматшаның денесі табылуына байланысты қылмыстық іс қозғалды. Қазіргі уақытта оқиғаның мән-жайы мен өлім себебі анықталып жатыр. Бұл туралы Қарағанды облысы Полиция департаментінің бастығы Негмет Исмагулов мәлімдеді, деп хабарлады Elordainfo.kz.

Оқиға орнында ес-түссіз жатқан полиция қызметкері медициналық мекемеге жеткізілген.

Аталған жағдайды жан-жақты әрі объективті тексеру үшін арнайы жедел тергеу тобы құрылып, қызметтік тергеу тағайындалды.

«Барлық іс-әрекеттер мұқият зерттеліп, кінәлілер қатаң жауапкершілікке тартылады. Азаматтарды шындыққа жанаспайтын ақпарат таратудан бас тартуға шақырамын», - деді Қарағанды облысы Полиция департаментінің бастығы Негмет Исмагулов.