ҚМДБ кибербуллингке қатысты шариғат бойынша пәтуа шығарды

Қазақстан мұсылдандары діни басқармасы кибербуллингке қатысты шариғат бойынша пәтуа шығарды, деп хабарлады Elordainfo.kz.

«Кибербуллинг – бұл интернет немесе басқа да әлеуметтік желі, ұялы телефон арқылы біреуді қорқыту, кемсіту, қорлау. Шариғатта біреуді қорқытуға, қорлауға, мазақ етуге, айыбын ашуға, кемсітуге тыйым салынған», - деп жазылған Діни басқарманың хабарламасында.

ҚМДБ ғұламалар кеңесінің шешімі:

• Кибербуллингке және буллингтің кез келген түріне шариғат тұрғысынан қатаң тыйым салынады;
• Әлеуметтік желі, ұялы телефон арқылы жалған ақпарат тарату, оны бөлісу, сондай-ақ біреуді балағаттап, қорлап жазба қалдыру және оған ортақтасып «лайк» басу – күнә іс.
•  Біреудің жеке жазбаларын, суреттерін, бейнежазбаларын шығарамын деп қорқыту, біреудің дінін не мәдениетін кемсіту тағы сол сияқты кибербуллингі түрлеріне тыйым салынады.