Қарызға белшесінен батқан қазақстандықтар көбейген

Orda.kz-тің жазуынша, өмірін қарызға арнауды таңдаған қазақстандықтар көбейіп барады. Статистика ай сайын қарыздың өсуі мен несиені өтей алмайтын қарыз алушылардың саны туралы айтады.

Қазіргі күнде несие алу қиын емес, оны онлайн режимде алуға болады және мұндай несиелер әрдайым дерлік мақұлданады. Бірақ қарызды қайтару әлдеқайда қиын. Микроқаржы ұйымдары бастапқыда адамдар назар аудармайтын үлкен пайыздық мөлшерлемелер белгілейді.

Мамандардың айтуынша, қарызбен өмір сүретін адам үнемі күйзеліске ұшырайды, бұл оның физикалық және психикалық денсаулығына кері әсер етеді.

Павлодар қаласының тұрғыны Алина Артюхова тұрақты түрде несие алып тұратынын, өйткені басқа жолмен өмір сүру қиын екенін айтты.

Мен несие алатын адаммын. Бірақ маған бөліп төлеген ұнайды. Себебі несие алған кезде пайыздық мөлшерлеме көп болады, олар жиі шектен шығады, – дейді қазақстандық әйел.

Елімізде микроқаржы қызметімен айналысатын ұйымдардың активтері 1 триллион теңгеден асады. Актив көлемі биыл алғашқы үш айда 12 пайызға өсті.

Микрокредиттік ұйымдар мен несие серіктестіктері қазақстандықтарға активтердің тиісінше 77% және 94%-дан астам несие берді. Барлық қазақстандық микроқаржы ұйымдарының несие портфелі 2022 жылдың бірінші тоқсанында 107 миллиард теңгеге өсіп, биыл 1 сәуірдегі жағдай бойынша шамамен бір жарым триллион теңгеге жетті.

Микроқаржы ұйымының мамандары телефон арқылы несиені қайтарудан бас тартқан борышкерлер санының жыл сайын артып келе жатқанын хабарлады.

Экономист Марат Қайырленов қазақстандықтардың қарыздық жүктемесі несиенің көптігімен емес, өнім бағасының қымбаттығымен салыстырды. Ол халықтың азық-түлікке жұмсайтын шығыны сияқты көрсеткішке назар аудару қажет деп есептейді.

2007 жылы бұл біздің елде 36% болды. Румыния Еуропалық Одақтағы ең кедей ел, онда ол 27% болды, – деді сарапшы.

Сарапшының айтуынша, бұл жағынан біз Сахараның оңтүстігіндегі Африкамен салыстыруға болады екен.

Мамандардың айтуынша, несиеге жауапкершілікпен қарау керек. Несие алуға өтініш бермес бұрын, оң және теріс жақтарын таразылап, ықтимал салдарларды есептеген жөн.