Елордада мектеп оқушысының екінші кітабы жарыққа шықты

Астанадағы Ұлттық кітапханада №52 мектеп-гимназиясының 11-сынып оқушысы Нұрдәулет Сағымбектің «Рухани миллионер» атты кітабының тұсаукесері өтті, деп хабарлады  Elordainfo.kz.

Нұрдәулет Сағымбек бұл еңбегінде адамдарды 4 дәрежеге бөліп қарастырады. Мұнда мамандық таңдау, қаржылық сауаттылық сынды тақырыптар да қамтылған. Рухани және материалдық құндылықты ұштастыратын еңбек етуге үндейді.

«Оқырмандар  кітаптан  тұлғалық даму жайлы ақпарат ала алады. Мұнда оны адам бойында қалыптастырудың жолдары жазылған. Сондай-ақ рухани және материалдық құндылықтарды арттыруды көздейді», - деді кітап авторы.

Айта кетейік, бұл жас қаламгердің  - екінші кітабы. Ол осыдан бір жыл бұрын «Жасөспірім фундаменті» атты алғашқы кітабын жарыққа шығарған. Бұл әсіресе  жасөспірімдерге  жеке тұлғалық даму бағытында жазылған.

Болашақта ол ұстаздық жолды таңдап, шәкірт тәрбиелегісі келеді.