Қысқы универсиада: Қазақстан қоржынына тағы екі медаль түсті

Қысқы универсиада ойындарының екінші күнінде парашаңғышылар екі медаль жеңіп алды, деп хабарлады Elordainfo.kz.

Алдымен 10 км еркін жүрістен парашаңғышы Роман Құрбанов қола медаль иеленді. Отандасымыз көзі нашар көретіндер санатында жарысқа қатысып, жүлдеге қол жеткізді.

Одан кейін жарыс жолына шыққан Денис Зинов универсиада ойындарынан күміс медаль жеңіп алды.

Ол мүмкіндігі шектеулі шаңғышылар арасында жарысқа қатысып жүлдегер атанды.

«Бұл жетістік еліміздің параспортшыларының қажырлы еңбегін, спортшыларымыздың қайсарлығы мен мықты рухын тағы бір мәрте әлемге паш етті. Екі спортшымызды да жеңістерімен құттықтап, болашақтағы жарыстарда одан да жоғары жетістіктерге жетуіне тілектеспін! Барлық спортшыларымызға алдағы сындарда табыс, күш-қуат тілеймін!» - деді ҚР Ғылым және жоғары білім министрі Саясат Нұрбек.