Таеквондодан Сербиядағы турнирге қатысатын спортшылар анықталды

2 сәуір, 2025
Ернұр Қайнар Ернұр Қайнар
Таеквондодан Сербиядағы турнирге қатысатын спортшылар анықталды
Фото: olympic.kz

5-6 сәуір аралығында Сербияның Белград қаласында таеквондодан кадеттер мен жасөспірімдер арасындағы Galeb Belgrade Trophy - Serbia Open 2025 халықаралық турнирі өтеді. Бұл жарысқа Қазақстан құрамасы да қатысады, деп хабарлады Elordainfo.kz.

Турнирде 30 елден 800-ден астам спортшы бақ сынайды.

Ел намысын төмендегі таеквондошылар қорғайды:

Кадеттер:

Диас Байдолаев (33 келі), Руслан Стацина (37 келі), Жібек Ерғазы (59 келіден жоғары), Ерсұлтан Оразбекұлы (49 келіден жоғары), Хамза Ромашкин (61 келі), Әлібек Жақсылықұлы (41 келі), Мирас Есенгелдин (65 келі), Аида Ғожалымова (51 келі), Шаббон Исламбаева (47 келі), Сұлтанмұхаммед Розиев (45 келі).

Жасөспірімдер:

Теміржан Тасқын (51 келі), Нұрперзент Саматұлы (48 келі), Павел Эм (59 келі), Қанат Рахымберді (68 келі), Мұхамедәлі Махмұд (63 келі), Штафертс Егор (78 келіден жоғары), Мейіржан Мейрамбекұлы (59 келі), Бекет Болатұлы (73 келі).