Президент кубогы: Қазақстандық жұп жартылай финалға шықты

Фото: ktf.kz

Қазақстандықтар Аружан Сағындықова мен Екатерина Дмитриченко жұптық сында Президент кубогы үшін ITF сериясы бойынша Астанада өтіп жатқан W15 турнирінің жартылай финалында ойнайды, деп хабарлады Elordainfo.kz.

Қазақстандық жұп ширек финалда жарыстың 2-ракеткалары, ресейліктер Екатерина Маклакова – Дарья Зелинскаяны ұтып кетті.

Бірінші партияда фаворит саналған ресейлік дуэт айқын басымдылық танытты – 6:1. Есесіне екінші сетте Сағындықова – Дмитриченко қарымта қайырды – 6:2. Содан кейін супер тай-брейкте дес бермеді – 10:7.

Айта кетейік, Аружан Сағындықова – Екатерина Дмитриченко финалға шығу үшін өзбекстандықтар Нигина Алимова – Сабрина Олимжановамен ойнайды.