Астанада футзалдан Чемпиондар лигасының финалдық кезеңі өтуі мүмкін

Фото: kff.kz

Қазақстан футзалдан 2025/2026 маусымдағы УЕФА Чемпиондар лигасының «Төрттік финалын» қабылдауға ресми түрде өтінім берді, деп хабарлады Elordainfo.kz Қазақстан футзал қауымдастығының баспасөз қызметіне сілтеме жасап.

Егер УЕФА мақұлдаса, турнирдің шешуші кезеңі 2026 жылдың 7-10 мамыры аралығында Астанадағы Жақсылық Үшкемпіров атындағы Жекпе-жек сарайында өтеді.

ҚФҚ бұл бастаманың елдегі футзалдың дамуына серпін беріп, Қазақстанның халықаралық спорттық беделін арттыруға бағытталғанын атап өтті.

Ұйымдастырушылар Еуропаның үздік клубтарын жоғары деңгейде қарсы алып, жарысты жоғарғы деңгейде өткізуге дайын екенін мәлімдеді.