«Ол кісінің қызметі...»: Гүлнұр Оразымбетова не үшін ерте тұрмысқа шыққаны туралы айтты

Әнші Гүлнұр Оразымбетова «Мамский әңгіме» бағдарламасында не үшін ерте тұрмысқа шыққаны туралы айтты, деп хабарлады Elorda.info.

Жүргізуші Айнұр Ілиясова өнер иесіне «Ерте тұрмысқа шықтым деп ойламайсыз ба?» деген сұрақ қойды. 

Ол кезде ол жайлы ойлайтындай мүмкіндік болған жоқ. Солай болу керек болды. Шынымды айтсам, өмірімде жігіт пен қыз болып, жігітпен қол ұстасып жүрген емеспін. Жақсы көрді, мені өзі тауып алды. Бастапқыда оңай болған жоқ. Өйткені ол кісінің қызметі бар, мен де бала болдым. Бірақ мен бала болсам да, таңдауы маған түссе, демек менің ол кісімен сөйлесе алғаным. Себебі, мен әжемнің қолында болдым, үлкен кісілердің тәрбиесін көрдім. Кішкентай кезімде жеңгелерім маған «кемпірлер сияқты сөйлемеші» дейтін. Сол сияқты әйел мен еркектің арасындағы қарым-қатынас әңгімеден тұрады деп ойлаймын. Ерлі-зайыпты бір-бірімен әңгімелесуі керек, – дейді Гүлнұр Оразымбетова.