Дильназ Ахмадиева бұрынғы күйеуі мен сүйіктісінің арақатынасы жайлы айтты

Өнер иесінің айтуынша, ер азаматтар бір-бірімен жақсы тіл табысып кеткен, деп хабарлады Elorda.info. 

Дильназ Ахмадиева шетелге ұлы және қазіргі сүйіктісімен бірге аттанды. Бұл демалыста әнші бұрынғы күйеуі, баласы Зейданның әкесі Әзілхан Сейтбаевпен де кездесіп үлгерген. Олар алдымен әсем жерлерді аралап, кешке бәрі бірге кешкі ас ішкен. 

Менің ер азаматым мен Әзілхан жақсы араласады. Ұлым екеуміз де өзімізді жақсы сезінеміз. Бізде бәрі жақсы. Осындай қарым-қатынасты көптен бері армандадым. Тек өз-өзімен жұмыс істеу нәтижесінде ғана осыны түсіне бастадым. Бұл - өте керемет жағдай. Себебі тұрмыстық өмірде біз адами қарым-қатынастың не екенін ұмытып та кетеміз, - деді өнер иесі.