Шымкентте ақыл-есі кем жігітті ауылдастары зорлаған

«Не молчи» қоры 24 жастағы ақыл-ой дамуы кешеуілдеген жігітті ауылдастары зорлап кеткені туралы мән-жайды жазып, көпшіліктен және құзырлы орындардан әділдік іздеген оның анасына қолдау білдіруді сұрады, деп хабарлады Elordainfo.kz.

Қордың мәліметінше, екі күн бұрын жігіттің туыстары әділдікке жүгінді. Зорлық көрген жігіт 24 жаста, алайда мүгедектігі бар оның санасы 3-4 жастағы баланікімен пара-пар.

Мысалы, ол санауды білмейді, күн мен уақытты ажырата алмайды, бір сөзбен, сәби сияқты ойлайды. Отбасы Шымкенттен екі сағаттық жерде тұрады. Бұл уақытта ауылда болған оқиға туралы бәрі білген.

«Жігіт анасына ауырсыну болғанын айтып, бұдан соң не болғаны түсінікті болады. Ақыры ол алты жігітті көрсетіп және оған не істегенін айтып берген.

Жәбір көрсетушілер төрт ересек және екі кәмелетке толмаған жасөспірімдер екен. Бұл жайт әртүрлі кезеңдерде болған. Бұдан соң төрт ересек  кінәларын бірден мойындап, кешірім сұрайды. Олар жәбірленушінің алыс туысы болып шықты. Олардың әкелері мұны білгенде ұлдарын балғамен өлтіргісі келген. Біз бүкіл тәжірибемізде бірінші рет әділ ата-ананы көрдік: олар ұлдары үшін кешірім сұрады. Бірақ тағы екі кәмелетке толмағандар бар.

Анасы құзырлы орынға оқиғаға қатысты мәлімдеме жазды. Өтініш алдымен қабылданбады. Аудандық ішкі істер бөлімі оған бұқаралық ақпарат құралдарымен сөйлесуге тыйым салады. Әрі бұл ақпаратты таратқан жағдайда айыппұл салынатынын айтқан. Бұл қашан тоқтайды? Олар іс материалдарын, құжаттарды немесе жеке деректерді таратпайды! Өз қайғы-қасіретіңіз туралы айту, отандастарыңызға хабарласу, көмек сұрау - әр адамның конституциялық құқығы емес пе?» - делінген «Не молчи» қорының хабарламасында.