Астанада аялдама әйнегін сындырған тұрғын қамауға алынды

Астаналық полиция қызметкерлері қоғамдық мүлікті бүлдірген ер адамды ұстады, деп хабарлады Elordainfo.kz.  

Астанада қоғамдық тәртіпті бұзу және қала мүлкін бүлдіру фактісі бойынша полиция қызметкерлері жұмыстар жүргізуде.

«Оқиға түнгі сағат 03:00 шамасында болды. Ер адам мас күйінде аялдама павильонының әйнегін сындырып кеткен. Оқиға куәгерлері полицияға хабар бергеннен кейін тәртіп сақшылары күдіктіні көп ұзамай ұстады. Құқық бұзушы 10 тәулікке қамауға алынды», - делінген хабарламада.

Елордада жыл басынан бері бөтеннің мүлкін қасақана жою немесе бүлдіру бойынша 200-ге жуық құқық бұзушылық тіркелді.

Полиция қызметкерлері тұрғындарға қоғамдық тәртіпті сақтау және бөтеннің мүлкіне залал келтірмеу қажеттігін ескертеді. Қоғамдық орындарда бұзақылық әрекеттерге жол берілмейді және заң аясында жауапкершілік қарастырылған.