Нұр-Сұлтанда ер адам жұма намазы кезінде мешітте ұрлық жасады

Ер адам дәретханада дәрет алу кезінде оның сыртқы күртешесінің қалтасынан жасырын түрде «iPhone 7» ұялы телефонын ұрлап кеткенін айтқан. 

Жедел іздестіру шаралары барысында полиция қызметкерлері 21 жастағы күдіктіні ұстады. Анықталғанындай, жас жігіт ұрланған ұялы телефонды сауда үйінде 10 000 теңгеге сатуға қойғаны белгілі болды. Заттай дәлелдемелер алынды. Аталған фактіге байланысты «Ұрлық» бабы бойынша сотқа дейінгі тергеу амалдары жүргізілуде, – делінген хабарламада.

Күдікті өз кінәсін мойындады, оның елорда аумағында бұрын жасалған осыған ұқсас қылмыстарға қатыстылығына тексеру жүргізілуде.

Нұр-Сұлтан қаласының Полиция департаменті сақ болуға, құнды заттарды қараусыз қалдырмауға кеңес береді.