Елордада қолөнершілер жәрмеңкесі мен ұлттық киімдер дефилесі өтіп жатыр
4 маусым, 2023
Елорда ақпарат
Астанада «Аламан құрақ» жобасы аясында қолөнершілер жәрмеңкесі және мода фэшн ұлттық киімдер дефилесі өтіп жатыр, деп хабарлады Elorda.info.
Рәміздер күніне орай өтіп жатқан жәрмеңкеге 250-ге жуық қолөнерші қатысып жатыр. Қала тұрғындары мен қонақтары қолөнершілердің құрақ көрпелерін қызықтап, оның тарихы мен жасалу жолы туралы мол мағлұматқа қанығуда.
Таңертең басталған жәрмеңке кешке дейін созылмақ.
Құрақ көрпе – қазақ халқының ұлттық құндылығы және ұрпақтан ұрпаққа жалғасқан салт-дәстүр.
Айта кетейік, «Қазақтың құрағына әлем керек» деген ұранмен «Аламан құрақ» жобасы ұйымдастырылды.
Ұқсас жаңалықтар