Мысырды билеген Шеркеш сұлтандары туралы кітап жарыққа шықты

ҚР Парламенті кітапханасында Мәжіліс Аппаратының ұйымдастыруымен «Шеркеш мәмлүк сұлтандары» тарихи-деректі зерттеу кітабының таныстырылымы өтті, деп хабарлады Elordainfo.kz.

Іс-шараға кітап авторы, арабтанушы Қайрат Сәки, Парламент Сенаты жанындағы Сенаторлар кеңесінің мүшесі Сәрсенбай Еңсегенов, Парламент депутаттары, қоғам қайраткерлері мен аппарат қызметкерлері қатысты.

Туындының басты мақсаты – ортағасырлық жазба мұраларды талдай отырып, шеркеш мәмлүктердің шыққан тегін және олардың басқа ұлыстармен этникалық, лингвистикалық, этнографиялық байланысын анықтау.

Тарихи шығарма орта ғасырда 267 жыл өмір сүрген Түркі мемлекетінде Бейбарыс сұлтан негізін қалаған қыпшақ мәмлүктерін ауыстырған Шеркеш сұлтандары турасында сыр шертеді.

Мәжіліс депутаты Ермұрат Бапи бұл түркітілдес елдер үшін өте бағалы туынды екенін атап өтті.