Жолдау депутаттарға жұмыс істеуге тура келетін барлық нәрсені қамтыды

Мемлекет басшысының жыл сайынғы Қазақстан халқына Жолдауынан көптеген отандастарымыз өздерін толғандырған сұрақтарға жауап алды. Бұл туралы Астана қаласы мәслихатының төрағасы Ерлан Қаналимов өзінің әлеуметтік желідегі парақшасында жариялады, деп хабарлады Elorda.info.

Астана қаласы мәслихатының төрағасының айтуынша, бұл атом электр станцияларын салуға, салық төлеушілерге, соның ішінде миллиондаған кәсіпкерлер армиясына салықтық жеңілдіктерге, су, электр және жылу энергиясының тапшылығына қатысты болды.

Ол, сондай-ақ, алдағы үш жылға арналған елдің дамуын көздейтін бағдарламалық құжат барлық деңгейдегі мәслихат депутаттарына да жұмыс істеуге тура келетін барлық нәрсені қамтығанын жазды. 

Білім күнінде Президенттің 2020 жылдан бастап мұғалімдердің жалақысы, сондай-ақ медицина қызметкерлерінің жалақысы 2 есеге өсті деген сөздері жақсы жаңалық болды. «Жайлы мектеп» жобасы аясында бүкіл ел бойынша 400 мектеп салынады. Тек елордада 2025 жылға дейін олардың 24-і салынады, бұл 96 мыңға жуық оқушы орны.  Жолдаудың едәуір бөлігі өскелең ұрпаққа арналғаны қуантады. «Келешек» Бірыңғай жинақтаушы жүйесін енгізу тапсырылды, ол 5 жастан бастап балаларды қамтиды және мемлекеттен бастапқы білім беру капиталын, инвестициялық кірісті және Мемлекеттік сыйлықтың жыл сайынғы төлемін көздейді. Бұл жаңалық, ең алдымен, балаларымызға сапалы білім алуға көмектеседі, - деді Астана қаласы мәслихатының төрағасы Ерлан Қаналимов.