Елордада екі көше және көпірдің бір бөлігі жабылады

ашық дереккөз

Астанада жол қозғалысы қауіпсіздігін қамтамасыз ету мақсатында Мәңгілік ел даңғылының, Арай көшесінің және «Тұлпар» көпірінің бір бөлігінде орташа жөндеу жүргізіледі деп хабарлады Elorda.info.

Жөндеу жұмысына байланысты 11-17 шілде аралығында Ә.Кекілбаев көшесінен Хусейн бен Талал көшесіне дейінгі учаскеде Мәңгілік ел даңғылы бойынша қозғалыс жабылады.
Сондай-ақ 12 шілдеден 3 тамызға дейін «Тұлпар» көпірінде көлік қозғалысы ішінара жабылады, - делінген хабарламада.

Жөндеу жұмысына байланысты 11-20 шілде аралығында Жауқазын көшесінен бастап Космонавтар көшесіне дейінгі аралықтағы Арай көшесінің учаскесі жабылады.

Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет.