Елордада қар күреуге 2 700-ден астам жұмысшы жұмылдырылды

Астананың коммуналдық қызметтері тәулік бойы тоқтаусыз режимде қар күреу жұмысын жүргізіп жатыр, деп хабарлады Elordainfo.kz.

20 қаңтарда күндізгі ауысымда қар тазалау жұмысына 2 700-ден астам жол жұмысшысы және 1 400-ден астам арнайы техника шықты.

20 қаңтарға қараған түні елордадан қар полигондарына 1 793 рейспен 23 314 текше метр қар шығарылды.

Қыс мезгілі басталғалы қаладан 275 940 рейспен 3,3 млн текше метрге жуық қар шығарылды.

Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.

«Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.

Төтенше жағдай туындаған кезде «112» нөміріне хабарласыңыз», - делінген хабарламада.