Астанадан бір түнде 42 мың текше метрден астам қар шығарылды

ашық дереккөз

Елордадан бір түнде 42 мың текше метрден астам қар шығарылды, деп хабарлады Elorda.info қалалық әкімдіктің сайтына сілтеме жасап.

Қаланың коммуналдық қызметтері тәулік бойы күшейтілген режимде жұмысын жалғастыруда. Күн сайын қар күреу жұмысына екі мыңнан астам жұмысшы жұмылдырылады.

18 сәуірге қараған түні қаладан 42 мың текше метрден астам қар немесе 2 894 рейс шығарылды.Таңертең елорда көшелері мен жолдарын қар мен мұздан 2 239 жол жұмысшы мен мыңнан астам арнайы техника тазартады.Қыс мезгілінің басынан бері қаладан төрт миллион текше метрден астам қар шығарылды, бұл 323 мыңнан астам ауыр жүк көлеміне тең, - деп жазылған хабарламада.

Естеріңізге сала кетейік, тек демалыс күндері Астанада айлық нормадан
1,5 есе көп қар жауды.

Әлеуметтік желілерді бөлісіңіз