Елордадағы «G-Park» ЖШС құрылыс компаниясының қызметкерлері вакцина алды

ашық дереккөз

«Бір жылдан астам уақыттан бері біз көзге көрінбейтін жаумен күресіп келеміз. Әрине, медицина бұған үлкен күш жұмсады. Ақыры біз басты қаруымызға айналатын вакцина алдық. G-Park құрылыс компаниясының негізгі басымдықтарының бірі - қызметкерлердің денсаулығы және олардың қауіпсіздігі. Құрылыс үлкен механизм болғандықтан, ол біртіндеп жұмыс істеуі керек. Әр адамның жұмысы кеңседе де, құрылыс алаңында да маңызды және құнды. Сондықтан біз вакцинацияға оң көзқараспен қараймыз және қызметкерлерімізге осы вакцинаны алудың маңыздылығын түсіндіреміз», — деді құрылыс жөніндегі директор Төлеген Рахметов.

[caption id="attachment_90540" align="alignnone" width="1280"] Фото: Оңалхан Өнерхан[/caption] Жалпы G-Park компаниясының миссиясы - әлемдік және отандық озық тәжірибені, сондай-ақ озық және қауіпсіз құрылыс технологияларын пайдалана отырып, өмір сүру, демалыс және өнімді қызмет үшін жайлы орта құру. «Мен G-Park құрылыс компаниясында заңгер болып қызмет атқарамын. Бүгін CoronaVac-тың екінші компонентін қабылдадым. Бірінші қабылдау мен қазіргі қабылдауымда ешқандай жанама әсер болған жоқ. Өзімді жақсы сезінудемін. Біз ауқымды компанияда жұмыс істегендіктен, адамдармен жиі қарым-қатынаста боламыз. Сол себептен өзімізбен қатар өзгелердің денсаулығын ойлағандықтан вакцина қабылдауға міндеттіміз деп есептеймін», — дейді Зергүл Есмағамбетова. Айта кету керек, Денсаулық сақтау министрлігі ұсынған ақпаратқа сәйкес, елде коронавирусқа қарсы екпені толық алғандар саны 2,5 млн-нан асты. 2021 жылғы 14 шілдеде Қазақстанда коронавирус инфекциясына қарсы вакцинаның 1-компонентін 4 705 675 адам, 2-компонентін 2 597 505 адам салдырды.