Италия құрамасы екінші рет Еуропа чемпионы атанды

Англия құрамасы Италия ұлттық құрамасына қарсы финалдық матчтың екінші минутында алға шықты. Италиялықтардың қақпасына голды Люк Шоу соқты. Бұл гол EURO-2020 финалы тарихындағы ең жылдамы болды. Матчтың 67-минутында Италия құрамасының орталық қорғаушысы Леонардо Бонуччи Англия құрамасының қақпасына гол соғып, есепті теңестірді. Матчтың негізгі уақытында есеп өзгерген жоқ. Құрамалар қосымша уақытта да ойын барысын өзгерте алмады. Матчтың нәтижесін пенальти сериясы шешті. EURO-2020 финалы матчтан кейінгі пенальтимен аяқталған жағдай тарихта осымен екінші рет болып отыр, бірінші рет 1976 жылы болған еді. Пенальти сериясында италиялықтар қарсыластың қақпасына 3 гол соғып, 53 жылдан соң қайта Еуропа чемпионы атанды. Топтық кезеңде италиялықтар А квартетінде Түркияны (3:0), Швейцарияны (3:0) және Уэльсті (1:0) жеңіп, тоғыз ұпай жинаған. 1/8 финалда олар қосымша уақытта Австрияны жеңді (2:1), ал келесі раундта Бельгиядан мықты болды (2:1). Пенальти сериясындағы жартылай финалда италиялықтар Испанияны жеңді.