«Хабар» Агенттігінің қызметкерлері қоныс тойын тойлауда

Өз пәтерлерінің бақытты иелерін Қазақстан Республикасы Президенті Әкімшілігі Басшысының бірінші орынбасары Дәурен Абаев пен Қазақстан Республикасы Ақпараттық және әлеуметтік даму министрі Аида Балаева құттықтады. Дәурен Абаев, Қазақстан Республикасы Президенті Әкімшілігі Басшысының бірінші орынбасары: - Менің ойымша, қалған телеарналар «Хабар» белгілейтін деңгейге жетуге ұмтылады. Бүгінгі іс-шара - «Хабар» тек ақпарат беріп қана қоймай, өз кадрларына қамқорлық жасайтынының жарқын дәлелі. Ақпарат және қоғамдық даму министрі Аида Балаеваның айтуынша, Агенттік қызметкерлерінің кәсіби мерекелері қарсаңында пәтер кілттерін алуы өте орынды болды. Аида Балаева, Қазақстан Республикасы Ақпарат және қоғамдық даму министрі: - Мен бүгін сіздермен осы оқиғаны бөліскеніме өте қуаныштымын. Шынында да, кез келген адам дені сау болуды, балалар өз ошағы мен үйі бар отбасында өскенін армандайды. Агенттік басшылығының осындай ерекше мүмкіндік бергеніне өте қуаныштымын. Мен әр отбасына өркендеу мен бақыт тілеймін, «Хабар» тұрғын үй кешенінде әрдайым керемет іс-шаралар болып тұрсын. Сіздерге шығармашылық табыс пен бақыт тілеймін. Жаңа «Хабар» тұрғын үй кешені елорданың перспективалы ауданында орналасқан. Бұл – жерасты паркингі бар 10 қабатты заманауи ғимарат. Агенттіктің үздік қызметкерлері пәтерлерді жалға алу құқығы аясында, кейіннен сатып алу мүмкіндігіне ұласатын жүйе арқылы алды. Тағы 200 қызметкер өте қолайлы шарттар бойынша жайлылық-санатындағы тұрғын үйден пәтер сатып алу мүмкіндігіне ие болды. Ерлан Бекхожин, «Хабар» Агенттігінің Басқарма Төрағасы: - Қызметкерлерге тұрғын үй сатып алуға көмектесу үшін біз Агенттіктің активінде тұрған жер учаскесін алмастырдық. Оның орнына құрылыс компаниясы тұрғын үй кешенін салып берді. Яғни үй салудың барлық шығындарын серіктес көтерді. Пәтерлердің бір бөлігін біз ақысыз, екінші бөлігін жеңілдік шарттарымен алдық. Мәселен, нарықта шаршы метрге 380 мың теңге сұралады. Біздің қызметкерлер бір шаршы метрді 270 мың теңгеге сатып алуға мүмкіндік алды. Менің ойымша, айырмашылық айқын. Қазақтың дәстүрі бойынша мерекеге жиналғандарға шашу шашылып, кейін қонақтар пәтерлерді қарап шықты. Кәсіби мереке қарсаңында Агенттік қызметкерлеріне эстрада жұлдыздары өнер көрсетті. «Хабар» телеарнасының «Жаңалықтар» қызметінің шығарушы редакторы Достық  Бекбаев Агенттікте 9 жылдан бері жұмыс істейді. Бұрын ол қала сыртында тұрса, енді отбасымен жаңа пәтердің кілтіне ие болды. Достық Бекбаев, «Жаңалықтар» қызметінің шығарушы редакторы: - Біздің төрт баламыз бар. Менің жұмысыма шын берілгенімді ескеріп, басшылық пәтер кілтін табыстады. Өте қуаныштымын. Мен мұндай мүмкіндік үшін басшылыққа ризамын. Пәтер өте кең және жайлы. Біз дереу тіркелдік, тіпті жөндеу жұмыстарын да жасамадық, өйткені іші таза және әдемі болды. Пәтер жақсы, 80 шаршы метр. Терезеден елорданың керемет көрінісі ашылады. Айта кету керек, «Хабар» Агенттігі үшін  қызметкерлері -  жай кадрлар емес, пікірлестердің командасы. Мұнда білімді және білікті мамандармен мақтанады және оларды әрдайым жан-жақты көтермелеуге тырысады. 2008 жылдан бастап баспанаға мұқтаж жұмысшыларға  қызметтік  жатақханадан бөлмелер ұсынылса, 2017 жылы жағдайды жақсарту мақсатында Агенттік қызметкерлерін басқа жаңа ғимаратқа, жеке санитарлық жағдайлар қарастырылған пәтер типтес жатақханаға көшірген болатын. Осылайша, «Хабар» қызметкерлері жұмыс істей жүріп, өз шаршы метрлеріне біртіндеп ақша жинау мүмкіндігіне ие.