Халықаралық Олимпиада күніне арналған «Дуатлон Олимпиада күні» дуатлоны өтті

Жарысты Nomad TriClub Iron Qazaqstan, Триатлон Федерациясы, Нұр-Сұлтан қалалық әкімдігі, әкімдіктің бұқаралық спорттық іс-шараларды өткізу дирекциясы, «Nur Otan» партиясымен бірлесіп өткізді. [caption id="attachment_84541" align="alignnone" width="1024"] Фото: Оңалхан Өнерхан/Elorda Aqparat[/caption] Шараның ашылу салтанатында қалалық триатлон федерациясының президенті Ержан Біржанов, Nomad TriClub Iron Qazaqstan директоры Талғат Ісмағамбетов қатысушыларға сәттілік тілеп, қауіпсіздіктеріне сақ болуды ескертті. Дуатлон екі кезеңнен тұрды: жүгіру және велосипед тебу.  Жүгіру - бақ ішіндегі үлкен шеңберде 6 км/ 2 айналымнан тұрды. Велосипед тебу - бақтың айналасындағы 23 км/ 5 шеңбер. Таңғы сағат 06:15-де нөмірлерді бере бастады. Сағат 07:00-де әйел адамдар, 07:10-де ерлер бастады. Айта кетсек, дуатлонға қатысу құны 5 мың теңге болса, оған қатысушылар саны 50 адамды құрады. Олардың барлығы дуатлонға зор дайындықпен келген. [caption id="attachment_84542" align="alignnone" width="1024"] Фото: Оңалхан Өнерхан/Elorda Aqparat[/caption] «Мен спортқа өте жақынмын. Сондықтан осындай дуатлонның ұйымдастырылатынын білген кезде ерекше қуандым. Қатысқаныма еш өкінбеймін", - деді қатысушылардың бірі Нұргүл Нұрланқызы. Ал Баянсұлу Ермұхан есімді тағы бір қатысушы бұған дейін де мұндай жарыста бақ сынағанын айтады. «Дуатлонға қатысу себебім, бұл – мен үшін жан рахаты. Яғни спортпен айналысу арқылы өзіме қуат аламын. Өткен жылдары да қатысқан болатынмын. Дуатлонда жақындарымның қолдауы маған күш-қуат сыйлайды", - деді ол. Жеңімпаздар арнайы марапаттау қағаздарымен және медальдармен марапатталды. Жанель ҚҰТТЫБАЙ