Еліміздің бірқатар өңірінде ауа райының бұзылуына байланысты ескерту жарияланды

  11 мамырда Қарағанды облысының кей жерлерінде найзағай күтіледі. 11-12 мамырда кей жерлерде тұман күтіледі. Жел солтүстік-шығыстан соғады, 11- 12 мамырда кей жерлерде оның екпіні 15-20 м/с жетеді. Маңғыстау облысының кей жерлерінде найзағай күтіледі. Солтүстік-батыстан соғатын жел солтүстік-шығысқа ауысады, түнде күші кей жерлерде 15-20 м/с күтіледі. Ақтау қаласында 11 мамырда түнде солтүстік-батыстан соғатын жел солтүстік-шығысқа ауысады, екпіні 15 м/с күтіледі. Ақмола облысында кей жерлерде тұман күтіледі. Солтүстік-шығыстан жел соғады, кей жерлерде күші 15-20 м/с күтіледі. Батыс Қазақстан облысының кей жерлерінде найзағай, дауыл, бұршақ күтіледі. Жел оңтүстік-шығыстан соғады, кей жерлерде 15-20 м/с. Шығыс Қазақстан облысында кей жерлерде күндіз найзағай күтіледі. Солтүстік-батыстан, солтүстіктен жел соғады, күші кей жерлерде 15-20 м/с. Түркістан облысының тауларында найзағай күтіледі. Кей жерлерде солтүстік-шығыстан соғатын желдің күші 15-20 м/с. Күндіз Қызылорда облысында солтүстік-батыстан жел соғады, күші кей жерлерде 15-20 м/с күтіледі. Қостанай облысының кей жерлерінде тұман түседі. Солтүстік-шығыстан, шығыстан жел соғады, күші кей жерлерде 15-20 м/с жетеді. 11-12 мамырда Жамбыл облысында кей жерлерде найзағай, бұршақ жауады. 11-13 мамырда кей жерлерде тұман түседі. 11-13 мамырда солтүстік-батыстан соғатын жел солтүстік-шығыс желіне ауысады, күші 15-20 м/с, 12-13 мамырда екпіні 25 м/с күтіледі. Тараз қаласында 12 мамырда кей уақытта найзағай, бұршақ күтіледі. 11-13 мамырда тұман түседі.  12 - 13 мамырда солтүстік-батыстан соғатын жел солтүстік-шығыс желіне ауысады, екпіні 15-20 м/с, кей уақытта 23 м/с күтіледі. Солтүстік Қазақстан облысының кей жерлерінде түнде 1 градус үсік күтіледі.