Жыл басынан бері 26 млн астам мемлекеттік қызмет және сервис онлайн түрде көрсетілді

2020 жылдың 1 қаңтарынан бастап 24 мамырына дейін қазақстандықтарға онлайн түрде 26 миллионнан астам мемлекеттік қызметтер мен сервистер көрсетілді, деп хабарлайды Елорда Инфо. Оның ішінде 20,2 миллионнан астамы "Электрондық үкімет" порталы арқылы, 4 миллионнан астамы eGovMobile қосымшасы арқылы және 2 миллионнан астамы Мемлекеттік қызметтер мен сервистерді Telegram, Facebook және ВКонтакте мессенджерлерінде чат-боттар арқылы алынды. Сіздерге ыңғайлы болуы үшін барлық деректер инфографика түрінде ұсынылған. Естеріңізге сала кетейік, осы таңда онлайн түрінде мемлекеттік көрсетілетін қызметтердің 80% қолжетімді. Оны қазақстандықтар egov.kz Электрондық үкімет сайтында, eGov Mobile қосымшасында және Telegram (@Kenes1414bot) мессенджерлеріндегі чат-боттардың және Facebook және ВКонтакте әлеуметтік желілерінің көмегімен ала алады.