Астананың автобус паркі 25 пайызға жаңарады – Жеңіс Қасымбек

ашық дереккөз

Бүгін Байқоңыр ауданының тұрғындарымен кездесу өткізіп жатқан елорда әкімі Жеңіс Қасымбек қала автобустарының жетіспеушілігіне байланысты тұрғын сауалына жауап берді, деп хабарлады Elorda.info.

Шаһар басшысы бұл түйткілді мәселенің түйінін шешу үшін Астананың автобус паркінің 25 пайызын жаңартуды жоспарлап отырғанын жеткізді.

Жазға салым алғашқы автобустар келеді. Барлығы 300-500 аралығында жаңа автобус сатып алынады. Бұл қазіргі автобус паркінің 25-30 пайызын құрайды, - деді әкім.

Жаңа автобустар жеткізілген соң автобус бағдарларының жеткіліксіз тармақтары мен жаңа бағыттарына пайдалануға берілмек.