Астанада «Жаңа белестегі жастар» дәстүрлі форумы өтті

Тәуелсіздік күні қарсаңында Астанада «Жаңа белестегі жастар» дәстүрлі форумы өтті, деп хабарлады Elorda.info.

Астана қаласының Жастар саясаты мәселелері басқармасы ұйымдастырған форумға 300-ден аса жас қатысты. Іс-шара барысында олар көпке танымал тұлғалардың шеберлік дәрістерін тыңдап, өз сауалдарына жауап алды.

«Жаңа белестегі жастар» елордада екі жылда 1 рет дәстүрлі түрде ұйымдастырылып келеді. Аталған шараның мақсаты - жастардың жан-жақты дамуына мүмкіндік беру, жаңа белестерге ұмтылуға ынталандыру, жастардың бойында отаншылдық және адамгершілік қасиеттерді қалыптастыруға ұйытқы болу, олардың кәсіби тұрғыда өсіп-өнуіне жол ашу.

Мұндай форумдардың жастардың бірге бас қосып, өзара танысып, тәжірибе алмасып, әрі қарай бірге қадам басуы үшін тигізер пайдасы мол. Мысалы, біз қазір 2023-27 жылға дейінгі Астана қаласының стратегиясын әзірлеу үстіндеміз. Бүгінгі форумның және алдымызда болатын көптеген конференциялардың қорытындылары бойынша біз өзекті жобаларды алып, Астана қаласының жастар саясатының жаңа стратегиясын жасайтын боламыз, - деді Астана қаласы Жастар саясаты мәселелері басқармасының басшысы Қайрат Қамбаров.