Нұр-Сұлтанда қоқыс жинау және су бетін тазарту жұмыстары жалғасып жатыр

Әкімдік мәліметінше, тазарту жұмыстарын "Нұр-Сұлтан қаласының қоршаған ортаны қорғау және табиғатты пайдалану басқармасы" ММ қолдауымен "Жаснұр" кәсіпорны жүргізеді. 30 адамнан тұратын бригада жұмысшылары күн сайын Ш.Құдайбердіұлы даңғылы ауданындағы Ақбұлақ өзенінен "Толқын" СК дейін, сондай-ақ Н.Тілендиев көшесі мен Есіл өзенінің Кенесары көшесіндегі көпір ауданындағы Сарыбұлақ өзенін қатты тұрмыстық қалдықтардан тазалайды. Соңғы апталарда Есіл өзенінің Ақорда маңындағы Сарайшық көшесінің бойымен Сығанақ көшесіне қарай бағыттағы су беті тазартылды. Бұдан кейін Сығанақ көшесіндегі Арыс көпірінен Тельмано т/а бағытында су бетін тазарту, сондай-ақ бекітілген кестеге сәйкес Президент саябағының жағалауы мен іргелес аумағын бойлай Назарбаев орталығына дейін қатты тұрмыстық қалдықтар жинау жоспарланып отыр. Бұл іс-шаралар қоршаған ортаға жағымды әсер етеді және өзендегі судың сапасын жақсартады.