Қырғызстан әнұранын жаңарту үшін республикалық байқау өткізуді жоспарлады

Қырғызстанда әнұранды жаңарту үшін елдің мәдениет министрлігі республикалық байқау өткізуді жоспарлап отыр, деп хабарлады Elordainfo.kz 24.kg-ке сілтеме жасап.

Басылымның жазуынша, бұл туралы ведомствоаралық комиссияның бірінші отырысында елдің мәдениет министрінің орынбасары Тимурлан Ажымалиев мәлімдеген. 

Байқаудың мақсаты – Қырғызстанның тарихи мұрасын мәдениетін және халық бірлігін насихаттайтын шығарма әзірлеу. Сәйкесінше, байқау әнұранның әні мен сөзіне қатар өткізіледі. 

«Оған елдің сазгерлері, ақындары, музыканттары және шығармашылық ұжымдары қатыса алады», - делінген хабарламада.

Еске салайық, әнұранды жаңарту туралы Қырғызстан парламентінің төрағасы Нұрланбек Шакиев бастама көтерген болатын.