Көлгінов: Биыл елордада 150 аула мен 40 қоғамдық кеңістікті салынады

ашық дереккөз

"Аулалар мен қоғамдық кеңістіктерді дамытуды жалғастырып жатырмыз. Егер былтыр 76 гектардан астам аумақты салып, абаттандырсақ, ал бұл - шамамен 150 аула мен 60 қоғамдық кеңістік (саябақтар, скверлер, бульварлар), биыл 150 аула мен 40 қоғамдық кеңістікті саламыз.Құрылыс кезінде бұрын ауламен қамтылмаған, қараусыз қалған, бос жерлерге, сондай-ақ қаланың ескі бөлігі мен елді мекендерге ерекше назар аударамыз. Қаланың тарихи бөлігіндегі көшелерді абаттандырып жатырмыз.Таңертеңгілік аралау барысында Мәмбетов көшесіне (Кенесары көшесінен Абай даңғылына дейін) барып, салынып жатқан променад құрылысын тексердім. Демалыс күні жаяу жүргінші жолына айналады, онда болашақта түрлі жәрмеңкелер мен фестивальдер өтеді. Талантты тұрғындарымыз өнері мен дағдыларын көрсете алады. Сондай-ақ әртүрлі фотоаймақтар мен кітап алмасу аймағы болады.

[caption id="attachment_83134" align="alignnone" width="682"] Фото: Александр Куприенко[/caption] "Жастар" сарайынан бастап жас көрерменнің музыкалық театрына дейінгі жолды субұрқақ кешенімен жабдықталған "Театральный" жаяу жүргіншілер желекжолымен (Омаров көшесі) біріктіреміз. Жағалау да абаттандыру бойынша ауқымды жұмыстармен қамтылған. Қоғамдық кеңістіктер қала тұрғындарының негізгі орталықтарының біріне айналады, олар жұмыс пен үй арасында уақыт өткізетін "үшінші орын" болмақ. Бұл - демалып, спортпен шұғылданатын аймақ. [caption id="attachment_83135" align="alignnone" width="682"] Фото: Александр Куприенко[/caption] Сонымен қатар Есіл ауданындағы бірқатар аулада болып, ондағы абаттандыру жұмыстарының барысымен таныстым (Сарайшық көшесі, 34; Достық көшесі, 5/1; Тұран даңғылы, 9, 11). Аулаларды көп функциялы етіп жасаймыз. Олардың көпшілігі тыныш және спорттық аймақтардан тұрады, онда балалар да, ересектер де, зейнеткерлер де бос уақытын өткізе алады. Үй жануарларымен серуендеу үшін де жағдай жасалып жатыр. [caption id="attachment_83136" align="alignnone" width="682"] Фото: Александр Куприенко[/caption] Елорданы "Нұр-Сұлтан - жайлы қала" мастер-жоспары аясында дамытудамыз. Қаланы одан әрі дамытуда тұрғындардың пікірі маңызды, олардың идеяларын ескеріп жұмыс істеп жатырмыз", - деп жазды А.Көлгінов.