Елорда тұрғындары «Өз ағашыңды отырғыз» челленджін бастады

Жылына 1 гектар жапырақты ағаш 100 тоннаға дейін шаң жинайды. Осыны ескеріп, елорда тұрғындары "ағаш отырғыз" челленджін бастады, ал қалалық қызмет көрсету ұйымдары - ПИК және МИБ белсенді қолдады. Азаматтар көшеттер сатып алып, өз аулаларында, үйінің жанына отырғызады. Еске сала кетейік, елорданың барлық ауданында «Бірге — Таза Қазақстан» экологиялық айлығы өтіп жатыр. Әкімдік өз тарапынан Мемлекет басшысының тапсырмасы бойынша саябақ аумақтарын, тұрғын үй алаптары мен аулаларды ғана емес, қаланың көрікті жерлерін де жаппай көгалдандырады. Қаланы жаппай көгалдандыру экологияны жақсартып қана қоймай, қала тұрғындары серуендейтін орын құруға, сонымен қатар қаланың климаттық жағдайын жақсартуға мүмкіндік береді.