Елордада иесіз жертөлелерді дезинсекциялық өңдеу жүргізіліп жатыр

ашық дереккөз

Нұр-Сұлтан қаласы «Қоршаған ортаны қорғау және табиғатты пайдалану басқармасы» ММ «Столичная дезинфекция» ЖШС-мен бірлесіп, осы жылдың 13 сәуірінен бері иесіз жертөлелерді дезинсекциялық өңдеуден жүргізіп жатыр, деп хабарлайды Елорда Инфо қала әкімдігінің ресми сайтына сілтеме жасап. Оның барысында 100-ге жуық үй тегін дезинсекциялық өңдеуден өтеді. Сондай-ақ, Нұр-Сұлтан қаласының санитарлық-эпидемиологиялық бақылау департаменті мамандарының қатысуымен және энтомолог мамандарды тартумен күнделікті негізде уақытша және тұрақты су айдындарында бақылау және мониторинг жүргізіледі. Аталған іс-шаралар масалар мен шіркейлердің санын азайту үшін Нұр-Сұлтан қаласында алдын алу шаралары ретінде жүргізіледі.