Қазақстандық өнімді қай елдер тұтынады?

«2020 жыл бүкіл әлем үшін оңай болмады. Көптеген ел әлемдік тауар нарығындағы сұраныстың төмендеуіне, жүк тасымалының күрделенуіне, шетелдік бизнес-серіктестермен байланыстардың үзілуіне тап келді. Осының салдарынан халықаралық тауар саудасының көлемі 5%-ға, көрсетілетін қызметтер саудасы 20%-ға қысқарды. Биыл біртіндеп ахуал қалпына келіп жатыр. Мәселен, 5 айда Қазақстанның сыртқы тауар айналымы 36,4 млрд АҚШ долларын құрап, өткен жылдың сәйкес кезеңімен салыстырғанда 1%-ға артты», – деді министрліктің алқа отырысында Қайрат Төребаев.

Оның айтуынша, шикізаттық емес тауарлар экспортының көлемі 23,4%-ға өсіп, 7,2 млрд долларды құраған.

«Мыс пен катодтар өсім драйверіне айналды. Олардың экспорты 35,7%-ға өсті. Жалпақ прокатты жеткізу 89,1%-ға, күміс 2,2 есе, күнбағыс майы 49,5%-ға артты. Қазақстандық өнімнің негізгі тұтынушылары Ресей, Қытай, Өзбекстан болып отыр»,– дейді ол.