Мүмкіндігі шектеулі азаматтар жеңілдетілген теміржол билетін онлайн рәсімдей алады

15 тамыз, 2024
Елорда ақпарат Елорда ақпарат
Мүмкіндігі шектеулі азаматтар жеңілдетілген теміржол билетін онлайн рәсімдей алады
ашық дереккөз

Авторландырылған пайдаланушыға сапар күні мен вагондағы орынды таңдағаннан кейін bilet.railways.kz-те мәртебені растау үшін өз деректеріңізді көрсету керек: ЖСН, мүгедектік туралы анықтаманың нөмірі және әлеуметтік құжатқа қолжетімділік ашылғаннан кейін пайда болатын 6 таңбалы код. EGov mobile қосымшасының «цифрлық құжаттар» сервисінде ID. Сайтта өз деректерін толтырып, дербес деректерді өңдеуге келісім бергеннен кейін билеттерді сату жүйесі мүгедектік мәртебесін алу үшін «цифрлық құжаттар» сервисіне сұрау салу жібереді. Деректерді тексеру кезінде жолаушының мәртебесі расталады. Бұдан әрі сату жүйесі төлем жүргізу және жол жүру құжатын ресімдеу үшін таңдалған орынға жеңілдікті қолдануға мүмкіндік береді.

«Былтыр теміржол билеттерінің 50%-дан астамы онлайн түрде сатылды, біз бұл көрсеткішті 2021 жылы арттыруға тырысамыз және мүмкіндігінше көп жолаушылардың билеттерді онлайн сатып алуын қалаймыз. Бұл уақыт пен ақшаны айтарлықтай үнемдейтін ең тиімді әдіс. Сондай-ақ, елдегі эпидемиологиялық жағдайды ескере отырып, мүгедек азаматтардың билет кассаларына бармай-ақ теміржол билеттерін сатып алу процесін жетілдіру туралы шешім қабылданды», - деп атап өтті «Жолаушылар тасымалы» АҚ Бас директоры Петер Штурм.

ҚР Цифрлық даму, инновациялар және аэроғарыш өнеркәсібі министрлігінің «Ұлттық ақпараттық технологиялар» АҚ үшін ерекше қажеттіліктері бар адамдар үшін цифрлық форматтағы қызметтердің қолжетімділігі аса маңызды міндеттердің бірі.

«Біз мүгедек адамдардың мәртебесін растайтын құжатты өзімен бірге алып жүруінің қаншалықты маңызды екенін түсінеміз және мүгедек адамның куәлігі eGov mobile қосымшасындағы «цифрлық құжаттар» сервисінде де қолжетімді екенін қуана хабарлаймыз. Бұдан басқа, «ҚТЖ» ҰК» АҚ билеттерді сату жүйесімен интеграциялаудың арқасында жеңілдікті билеттерді ресімдеу мүмкіндігі іске асырылды. Оны алу үшін сайттан билет сатып алғанда BILET.RAILWAYS.KZ, құжатқа қолжетімділікті ашу кезінде қалыптасатын 6 таңбалы код пен ЖСН енгізу жеткілікті», - деді «Ұлттық ақпараттық технологиялар» АҚ Басқарма төрағасы Ростислав Коняшкин.