Қазақстанға коронавирусқа қарсы вакцинаның тағы 8 миллион дозасы келеді

«Халықты коронавирус инфекциясына қарсы вакциналау жұмысы жалғасып жатыр. Қазір 9,4 млн доза вакцина егілген. Оның бірінші компонентін 5 480 094 адам салғызды, бұл вакцина алуы тиіс халықтың 55,4 пайызын құрайды. Екінші компонентін 3 941 941 адам немесе тиісті халықтың 39,8 пайызы алды», - деді министр бүгін Үкімет отырысында.

Министрлік қалған 4 млн халықты қамту үшін тағы 8 млн доза вакцина жеткізуге келісім орнатты. Осылайша Цой халықтың вакцинамен жеткілікті мөлшерде қамтамасыз етілгенін айтты. Еске салайық, дүниежүзілік эпидемиологиялық ахуалды бағалау матрицасына сәйкес, Қазақстан 26 маусымнан бері «қызыл» аймақта тұр.