Қор нарығында доллар бағамы көтерілді

Қазақстан қор биржасындағы (KASE) сауда-саттық қорытындысы бойынша, 1 доллардың теңгеге шаққандағы бағамы өсті, деп хабарлады Elorda.info.

KASE қор нарығындағы күндізгі сауда қорытындысы бойынша, доллар бағамы 0,99 теңгеге қымбаттады. Бір АҚШ долларының орташа бағамы 470,28 теңге.

Ал Ресей валютасы 6,73 теңге болды. Ұлттық банктің 21 желтоқсандағы ресми бағамы – 1 долларға 469,18 теңге. Ресей рублінің орташа сараланған құны – 6,80 теңге.

Kurs.kz мәліметінше, қазіргі уақытта Астананың ақша айырбастау пунктілерінде доллардың сату бағамы – 468,2 теңге, сатып алу – 471,5 теңге. Ал Алматы қаласы бойынша сату бағамы – 469,5 теңге, сатып алу – 472,5 теңге. Ресей рублі 6,5 – 6,8 теңге аралығында саудаланып жатыр.