«52 мыңға тәрелке алдым» Әкім журналистерге пикник ұйымдастыруға қаражатты қайдан алғаны белгілі болды

Әлеуметтік желілерде Талдықорған әкімінің видеосы тараған еді. Онда әкім мылтықпен оқ атып жатқаны көрінеді. Кейінірек бұл видео жергілікті БАҚ өкілдері мен блогерлердің демалысында түсірілгені белгілі болды.

Тұрғындар журналистермен кездесу қандай қаражатқа ұйымдастырылғанына қызығушылық білдірген.

Барлық қаражат жалақымның есебінен кетті. Жалақым оған жетеді. Бұл - өзінің қаруы бар ресми орын. Сол жерде кәуап, кола, нанмен шағын пикник ұйымдастырдық. Бәріне 385 мың кетті. 260 мыңы қаруға оқ-дәріге, 52 мыңы тәрелкеге және 70 мыңы тамаққа, - деді қала әкімі Tengrinews тілшісіне берген сұхбатында.

Наурызда Талдықорған әкімі ай сайын 866 мың теңге жалақы алатыны белгігі болған еді.