Елімізде папиллома вирусына қарсы вакцина егіле бастайды

Қазақстанда келер жылы папиллома вирусына қарсы вакцина егіле бастайды, деп хабарлады Elorda.info.

Хабар24 жазуынша, вакцина мектеп жасындағы қыздарға ата-анасының рұқсатымен салынады. Бұл туралы онкология және радиология ғылыми зерттеу институтының онкологтары мәлімдеді. Мамандардың айтуынша, жыл сайын Қазақстанда жатыр мойын обырынан 600-ге жуық әйел көз жұмады. Ғалымдар, қатерлі ісіктің бұл түрін тек вакцина арқылы жеңуге болады дейді. 

2013 жылы адамдағы папиллома вирусына қарсы вакцина егу еліміздің 4 аймағында пилоттық түрде жүргізілген. Сол кезден бергі зерттеулер оң нәтиже көрсетті.  Оған қатысқан ерікті қыз-келіншектер бақылауда болды. Оларда қазір вирустың белгілері жоқ. Бұл дамыған елдердің тәжірибесінде бар, - деді онкохирург-дәрігер Толқын Садықова.