«Жанұя» орталығының қызмет алушыларына ақшалай сертификат берілді

Елордадағы «Жанұя» отбасы институтын қолдау орталығының ұйымдастыруымен Астана қаласының 25 жылдығына орай «Туған күніңмен, Елорда!»  атты мерекелік концерт өтті, деп хабарлады Elorda.info.

Концертке Парламент Мәжілісінің депутаты Дәулет Мұқаев, «Сарыарқа» халық музыка ансамблінің көркемдік жетекшісі, күйші-композитор Тоғжан Жахин, әнші Еркеш Хасен қатысты. 

Мерекелік жиын барысында өмірлік қиын жағдайға тап болған «Жанұя» орталығында қызмет алатын 30 адамға «Дәулеттен» қоғамдық қоры атынан ақшалай сертификаттар тапсырылды.

Айта кетейік, бұл орталық көп балалы, толық емес, жағдайы төмен және мүгедек бала тәрбиелеп отырған отбасыларға, мүмкіндігі шектеулі жандарға кешенді кеңес беру қызметін көрсетеді.